Баян-Уул сумын 250 хүний суудалтай Соёлын төвийн барилгыг улсын төсвийн 1,772,242.3 төгрөгийн хөрөнгөөр "Дорнын оч" ХХК барьж ашиглалтанд хүлээлгэн өглөө. Дорнод аймгийн Засаг даргын захирамжаар байгуулагдсан барилга угсралтын ажлыг хүлээж авах 15 хүний бүрэлдэхүүнтэй улсын комисс батлагдсан зураг төсвийн дагуу чанартай хийж гүйцэтгэсэн гэж шийдэрлэсэн тул 2021 оны 12-р сарын 15-ны өдөр хүлээн авлаа.

Тус Соёлын төв нь 1-р давхартаа үзвэрийн заал, хүлээн авах үүдний танхим, уран сайханчдын хувцас солих өрөө, 2-р давхартаа соёлын өвийн мэдээллийн танхим, хөгжим, бүжгийн бэлтгэлийн өрөө, номын сангийн зориулалтаар ашиглах өрөө танхимуудтай.

Соёлын төвийн нээлтийн үйл ажиллагаа 2021 оны 12-р сарын 24-ний өдөр болно. Нээлтийн үйл ажиллагаанд зориулан Цэргийн дуу бүжгийн чуулга болон Дорнод аймгийн Хөгжимт драмын театр, Баян-Уул сумын уран бүтээлчдийн нэгдсэн тоглолт болно.