“Бүх нийтийн хог цэвэрлэгээ зохион байгуулах тухай” Хүний эрүүл мэнд, байгаль орчинд үзүүлэх нөлөөллийг багасгах зорилгоор “Бүх нийтийн их цэвэрлэгээ”-г зохион байгуулах аймгийн Засаг даргын 2019 оны 03 дүгээр сарын 25-ны өдрийн А/130 дугаар захирамж, Засаг даргаар батлуулсан бүх нийтийн хог цэвэрлэгээний ажлын төлөвлөгөөний дагуу бүх нийтийн хог цэвэрлэгээ зохион байгууллаа.
Хог хаягдлын тухай хуулийн 9.1.3 10.2.6 10.2.10 дугаарт заагдсан, хуулийн дагуу сумын хэмжээнд бүх нийтийн хог цэвэрлэгээ 2019 оны 4 дүгээр сарын 27-ны өдөр нийтийн эдэлбэр газрын 504 га талбайд 267 иргэн, 42 машин, ажиллаж 841660 мянган төгрөг 338,6 литер түлш зарцуулагдаж 33 машин буюу 214 м3 хог хаягдлыг нийтийн хогийн цэгт тээвэрлэн хаясан. 
Хог цэвэрлэгээнд төсөвт байгууллага 7, дэлгүүр 5, цайны газар 3, дугуй засвар 2 хамрагдаж хашаан доторх болон эргэн тойрны 50м хэмжээтэй газар хог хаягдлаа цэвэрлэж өөрсдийн унаагаар хогийн цэгт тээвэрлэж хаясан.
Сумын төвд хогоо ил задгай хаяхгүй хогийн саванд хийж хэвших, сумын нэгдсэн хогийн цэгт хогоо хаяхдаа ангилан ялгалт хийж эмх цэгцтэйгээр хогийн цэгт хаях, цогтой үнс нурмаа асгахгүй байхыг анхааруулж байна.