Аймгийн Засаг даргын 2018 оны 02 дугаар сарын 05-ны өдрийн А/25 тоот захирамжийг үндэслэн "Автотээврийн тухай хууль"-ийн 17 дугаар зүйлийн 17.1, 17.2 дахь заалт түүнтэй нийцүүлэн гаргасан хууль дүрэм, стандартуудад заасны дагуу 2018 оны техникийн хяналтын үзлэгийг тус суманд 2018 оны 04 дүгээр сарын 16-18-ны өдрүүдэд зохион байгуулж ажиллалаа. 

• Нийт 542 тээврийн хэрэгсэл техникийн хяналтын үзлэгт тэнцэж замын хөдөлгөөнд оролцох зөвшөөрөл авлаа. 69-н тээврийн хэрэгслийг улсын бүртгэлээс хасуулахаар материалаа өгсөн. 
• Авто тээврийн болон өөрөө явагч хэрэгслийн албан татварын тухай хуулийн 5.7 дугаар зүйлүүдэд заасны дагуу орон нутгийн төсөвт тээврийн хэрэгслийн албан татвар нийт 12070000 төгрөгийн орлогыг төвлөрүүллээ. 
• Тээврийн хэрэгслийн албан татвар төлсөн болон жолоочийн хариуцлагын албан журмын даатгалд даатгуулсан баримтыг үндэслэн нийт тээврийн хэрэгслүүдийг техникийн хяналтын үзлэгт хамруулж ажиллалаа.

Техникийн үзлэгт ороогүй тээврийн хэрэгслүүд аймгийн төвд хамрагдана. Тээврийн хэрэгслийн шилжилт хөдөлгөөн, улсын дугаар солилт, нөхөн олголт, өөрчлөлтүүд нь улсын хэмжээнд нэгдсэн сүлжээнд орсон тул эдгээр зөрчлүүдийг аймгийн төвд байнга хийж байгаа болно. Нийт шинээр 24 мотоцикльд улсын дугаар олгосон байна.