МОНГОЛ УЛСЫН ЕРӨНХИЙЛЧИЙН ЭЭЛЖИТ СОНГУУЛИЙН САНАЛ АВАХ АЖИЛЛАГАА 2017 ОНЫ 6 ДУГААР САРЫН 26 ӨДӨР 07:00 ЦАГААС 22:00 ЦАГИЙН ХООРОНД ЯВАГДАНА.
Сонгуулийн эрх бүхий Монгол улсын иргэн та үндсэн хуулиар олгогдсон ''СОНГОХ'' эрхээ эдэлж сонгуульдаа идэвтэй оролцоно уу?
САНАЛ ӨГӨХ АЖИЛЛАГАА:
1. Сонгогч та саналаа өгөхөөр ирэхдээ иргэний үнэмлэхтэйгээ очих бөгөөд гарын хурууны хээгээ даран өөрийн иргэний бүртгэлийн мэдээллийн улсын сан дахь сонгогчийн бүртгэл, сонгогчдын нэрийн жагсаалтын цахим хувилбартай тохирч байгаа эсэхийг шалгуулаад сонгогчийн бүртгэлийн хуудсаа авна.
2. Бүртгэлийн хуудас хүлээн авсан сонгогчид саналын хуудсыг саналын хуудасны хавтасны хамт өгнө.
3. Сонгогч та саналын хуудас авч, санал бэлтгэх бүхээгт саналаа нууцаар гаргах бөгөөд саналын хуудсанд өөрийн сонгохыг хүссэн 1 нэр дэвшичгийн нэрийн өмнөх улаан хүрээ бүхий зууван дугуйг зориулалтын үзгээр дүүргэн будаж саналаа тэмдэглэнэ. Санал бэлтгэх бүхээгт тухайн сонгогчоос өөр хүн байхыг хориглодог.
4. Сонгогч дээр дурдсаны дагуу саналаа тэмдэглэсний дараа саналын хуудсыг хавтсанд хийн санал тоолох төхөөрөмж рүү очих бөгөөд саналын хуудсаа санал тоолох төхөөрөмжид уншуулахдаа хавтаснаас нь салган авч хийгээрэй.

Жич: Сонгогч та саналаа өгөхөө ирэхдээ цахим үнэмлэхээ заавал авч ирэх шаардлагатай.