Манай сумын уугуул, Монгол улсын шилдэг зохион бүтээгч, инженер Ц.Жамсран баавай, хүргэн хүүгийн хамт хэлмэгдэгсэдийн гэгээн дурсгалд зориулан бүтээсэн "Залбирал" хөшөөгөө суманд авчирч бүтээн босголоо. Залбирал хөшөөний шавыг 5-р сарын 30-ны билэгт сайн өдөр Санчинбалбарлин хийдийн хамба лам Дашравдан тавьж суурийн цутгалтын ажлыг хийж эхлүүлээд 6-р сарын 5-нд сумын захиргаанд хүлээлгэн өглөө. 

Уг "Залбирал" хөшөөнд их хэлмэгдүүлэлтийн үед Баян-Уул сумаас хэлмэгдсэн 229 хүний нэрийг зэвэрдэггүй ган дээр сийлж мөнхжүүлжээ. Хөшөөний нээлтийг “Улс төрийн хилс хэрэгт хэлмэгдэгсдийн дурсгалыг хүндэтгэх өдөр” буюу 9 сард зохион байгуулахаар төлөвлөн ажиллаж байна.