Сумын  төлчин эмэгтэйчүүдийн 9- р чуулганыг 2017 оны 5 дугаар сарын 27-28 –ны өдрүүдэд соёлын төвд Урт багийн Засаг даргын алба, Иргэд нийтийн хурал, Эмэгтэйчүүдийн зөвлөл хамтран амжилттай зохион байгуулав. Чуулга уулзалтанд оролцогч 139 төлчин эмэгтэйчүүдэд  “Дорнод талын хөгжлийн хөтөч” ТББ–ын сургагч багш Одгэрэл “Эмэгтэйчүүдийн манлайлал, өрхийн орлогоо хэрхэн нэмэгдүүлэх вэ?” сэдэвт сургалтыг явуулсан.

      Сумын эмэгтэйчүүдийн зөвлөлийн дарга Ж.Ичинхорлоо  эмэгтэйчүүд, нийгэм, соёлын харилцаа, хүрээлэн буй орчин, эдийн засгийн хөгжлийн талаар 3 бүлэгт ярилцлага зохион байгуулж сайн талууд, тулгамдаж буй талуудын талаар санал бодлоо солилцож дараах дүгнэлтийг хийлээ. Үүнд:

1. Ярилцлагаас тусгагдсан санаануудыг сумын удирлагад хүргүүлж шийдвэрлүүлэх ажлыг хийх, малчин бүр санаа авч өөрөө  үлгэрлэн дагуулах, бусдаас суралцах, чуулга уулзалтаас гарсан сэтгэл зүрхний уриалгын хэрэгжилтийг бодитоор дараагийн чуулганд оролцогчдод таниулах, үзүүлэх ажлыг хийх

2. Сумын 1.2.3.5 - р багийн эмэгтэйчүүдийн зөвлөлийн ажил сайн байгаа гэж үзсэн ч айл саахалт, удирлагуудын хамтын ажиллагааг бэхжүүлэх шаарлагатай байна гэж дүгнэв.

3. Малчин бүр ардын өв уламжлалыг сэргээн дээс томох, сур элдэх, техникээр малаа хариулахаас татгалзаж, үржил шимтэй сайтай мал өсгөн сүү цагаан идээг боловсруулах, мах махан бүтээгдэхүүнийг нийлүүлэх  замаар өрхийн төсвийг нэмэгдүүлэх

4. Малчин бүр бэлчээрээ хамгаалж отор нүүдэл хийдэг болох хэрэгтэй байна.

5.  Малчид боловсрол, эрүүл мэнд, өрхийн орлого нэмэгдүүлэх,хүрээлэн буй орчныг хамгаалах  талаар өмнөх жилийн сургалтуудаас мэдээлэлүүдийг авсан. Зарим үед эмнэлэгт хэвтэж эмчлүүлэх орны тоо хүрэлцээ муутай,шатахуун тутагдалтай, шүдний эмч шаардлагатай байгаа тул яралтай асуудлуудыг шийдвэрлэх талаар саналаа гаргав.

6. Төлчин эмэгтэйчүүдийн чуулга уулзалт улалжлал болон тогтмол зохион байгуулагдаж ирсэн. Чуулганаар шинэ санаа мэдээлэлүүдийг хүлээн авах, урлаг соёлын арга хэмжээнд оролцох, шилдэг төлчин эмэгтэйчүүдээ урамшуулах  болож бүрддэг сайн талтай гэж үзэв. Дараа жилийн төлчин эмэгтэйчүүдийн чуулганыг  4-р багийн засаг даргын алба, багийн ИНХ, эмэгтэйчүүдийн зөвлөл хамтран зохион байгуулах саналтай байгааг чуулганд оролцогчид санал нэгтэй шийдвэрлэв. Үүнд сумын төвийн аж ахуй нэгжийг үйл ажиллагаа дэмжих замаар хөнгөлөлттэй үнээр үдийн цайг өгөх нь зөв байна гэж үзсэн. 

Мэдээ оруулсан: 2017-05-30 10:23:51